Voir la source de Toolu mbëjbijjaakon

'''Toolu mbëjbijjaakon''', ci [[jëmm]], ab tool la buy juddoo ci teewaayu [[Yanu mbëj|yani mbëj]], banqaasu jëmm bi koy gëstu mooy [[mbëjbijjaakon]]. Ay bokkaanam (ñi bokk doon ko) ñooy ab [[toolu mbëj]] ak ab [[toolu bijjaakon]], seen teewaay di juddal ay doole yees man a natt ci bépp tombu tool bi ci jamono ju ne. Ci fànnu [[gisiin wu ajoo]] dees na ci wuññee ne toolu mbëj ak toolu bijjaakon ñaari feeñte lañu yu wuute tur te di lenn li, lépp mbiru [[nosteg delluwaay]] la. ba tax sax su benn xoolkat bu taxaw di gis ci misaal ab toolu mbëj kepp, ab ñaareelu xoolkat buy yëngu moom dina gis ab toolu mbëj (nakka-jekk waaye bu dul tekkaaral lay doon) ak ab toolu bijjaakon.

Toolu mbëjbijjaakon bi dafay jur jenn [[doole]] ji <math>\mathbf{F}</math> ci wenn [[wàll-wàllaan]] wees yan, bu [[yamaleb Lorentz]] diñu jox:

:<math>\mathbf{F} = q ( \mathbf{E} + \mathbf{v} \times \mathbf{B} )</math> 
Te <math>q</math> di yanu wàll-wàllaan wi, <math>\mathbf{v}</math> diy [[Xél|xélam]], <math>\mathbf{E}</math> toolu mbëj bi, <math>\mathbf{B}</math> moom di [[xiirtalug mbëjbijjaakon]] bi.
[[Àtteb Faraday-Neumann-Lenz]] mooy wax ne: wuuteeg aj giy judd ci ag ndombo gu tëju dafa aju ci anam gu jonjoo ci coppite gu [[walug bijjaakon]] gi te aju itam ci diirub jamono bi muy ame. Ci yeneen kàddu dafa aju ci xél yi walug bijjaakon gi di soppikoo ci jamono ji. Doxiinu [[masinu mbëj|masini mbëj]] yu bari yu mel ne ci misaal [[soppalikaay]] yeek [[doxalukaay bu mbëj|doxalukaayu mbëj]] yi ci bii àtte lañu sukkandiku.
== Lëkkalekaay yu biir ==
* [[Toolu mbëj]]

* [[Toolu bijjaakon]]

* [[mbëj]]
{{wikibaatukaay}}

[[Wàll:Mbëjbijjaakon]]